ازاى اختار القطاع المناسب ؟
بالنسبة للابواب :
ال pvc هو الافضل علي الاطلاق من نظائره وده لانه لا يتأثر ببخار الماء ولا الماء ولا يتمدد ولا ينكمش تقريبا و الوانه ثابته
بالنسبة للشباك :
اول حاجة لازم براعي المحيط بتاع الشباك .. يعني لو العفش قريب هختار النظام الجرار , لو بعيد فا هيبقي عندي حرية اختيار بين بقية القطاعات كلها زى المفصلي
تاني حاجة انا ليه هجيب الشباك او ايه اكتر ميزة عايز اتمتع بيها ؟!
- لو انت ف منطقة صاخبة او في ضوضاء باستمرار يراعي اختيار قطاع PVC مكون من 4 : 7 غرف و الزجاج يكون مزدوج و القطاع مفصلي مع مراعاة محيط الشباك
مش معني الكلام ان باقي القطاعات مش بتعزل الصوت .. بس ده الافضل علي الاطلاق ! - لو عايز حجب الرؤية تماماً من الخارج للداخل و العكس .. يبقي هستخدم زجاج مصنفر و ده مناسب جداً للحمام و المطبخ
- لو عايز حجب للرؤية و اشوف اللي برة يبقي افضل اختيار الزجاج العاكس .. بس ف الحالة دي لازم يكون في عالشباك ستارة لأن وقت الغروب و الليل لو شغلت النور ببقي متشاف من الخارج
- لو بتعاني من الرطوبة فا افضل اختيار الزجاج المزدوج وده لأنه عبارة عن طبقتين زجاج و بينهم اطار الومنيوم مزود بحبيبات تمتص الرطوبة
- لو بتعاني من تسرب الأمطار فا افضل شئ اختيار قطاع متعدد الغرف وده لأنه بيصرف المطر بصورة اسرع
- لو عايز افضل شكل يبقي اختار الزجاج المزدوج مع الواح الجورجيان بار , او الزجاج الكريستال لانه ممكن يتلون او يتعمل عليه رسومات
- لو عايز افضل أمان فا القطاع الكبير بالزجاج المزدوج هو الأفضل
- كل القطاعات عامة بتمنع مرور الحشرات
- لو عندي view علي حديقة في فيلا اوعالنيل فا ممكن استخدم القطاع المفصلي اللي كل الضلف يتتجمع ف ناحية واحدة و استمتع بال view